O'simlik va chorvachilik mahsulotlarining suv izi: Qaysi biri ko'proq suv talab qiladi?

Har bir oziq-ovqat mahsuloti uni yetishtirish jarayonida ma'lum miqdorda suv sarflaydi. Bu ko‘rsatkich "suv izi" (water footprint) deb ataladi va mahsulotning butun ishlab chiqarish zanjirida sarflangan umumiy suv hajmini anglatadi. 1 tonna mahsulot ishlab chiqarish uchun o‘rtacha suv sarfi: Mol go‘shti — 15 400 m³ Qo‘y go‘shti — 10 400 m³ Tovuq go‘shti — 4 300 m³ Tovuq tuxumi — 3 300 m³ Sigir suti — 1 000 m³ O‘simlik mahsulotlari suvdan samaraliroq foydalanadi Tadqiqotlarga ko‘ra, o‘simlik mahsulotlari aksariyat hollarda bir xil miqdordagi kaloriya va oqsilni ishlab chiqarish uchun hayvon mahsulotlariga nisbatan ancha kam suv talab qiladi. 🔹 Mol go‘shtining bir kaloriyasiga to‘g‘ri keladigan suv izi donli ekinlar va kraxmalli ildizmevalarnikidan o‘rtacha 20 barobar yuqori. 🔹 Bir gramm oqsil hisobida mol go‘shtining suv izi dukkakli ekinlarnikidan taxminan 6 barobar katta. Chorvachilikda suv qayerga sarflanadi? Dunyo bo‘yicha chorvachilik yiliga taxminan 2 422 km³ (2422 Gm³) suv sarflaydi. Shundan: 98% — chorva uchun yetishtiriladigan yem-xashak hissasiga; 1,1% — hayvonlarni sug‘orishga; 0,8% — parvarish va xizmat ko‘rsatishga; 0,03% — yemni aralashtirish jarayoniga to‘g‘ri keladi. Demak, chorvachilikning asosiy suv izi hayvonlarning o‘zi emas, balki ular uchun yetishtiriladigan ozuqa bilan bog‘liq.

E'lon qilingan: 31-iyul, 2026